وصوف الرجال

السلام عليكم

حبيت اشاركم في قصيدة حافظها من زمان واعجبتني لدرجة اني ارددها بشكل مستمر وان شاء تنال اعجابكم
والحقيقه مااعرف صاحب القصيده يمكن القصيده مشهورها ومعروف صاحبها بس حبيت للي يعرف صاحبها يبلغني في رده اذا تكرم :



يحيا العزيز بعزته شامخ الراس
ولا الذليل يموت في وسط ذله

من عاش شاف بدنيته كل الاجناس
من كل جنس وكل مذهب ومله

ومن عاند الدنيا تورّيه الاتعاس
يلقى القهر ويموت في وسط غلّه

راع الوفى ممشاه مع خيرة الناس
وراع الردى راع الردى صاحبله

ومال الردى في مجلس العز مجلاس
اصلا ولا حتى يجيله ويوصله

بعض الرجال اغلى من كنوز الالماس
سيفآ اليا جات الالوازم تسله

له فزعتآ تظهر اليا صرت محتاس
ودرب الوفى ماكل رجلأ يدله

بعض الرجال من تحت الاقدام ينداس
وبعض الرجال من فوق راسك محله

وبعض الرجال صداقته دوم نوماس
وبعض الرجال صداقته لك مذلّه

وبعض الرجال لامات تجزع له الناس
وبعض الرجال لامات محدآ فطلّه

لاباس ياقلبآ تبي المجد لاباس
مادام فعل الطيب فينا جبلّه

البيت يبقى دوم مبني على ساس
وان كان ماله ساس مادام ظلّه

الا جميع انسان محددآ بلأنفاس
رحال في دنياه والقبر حلّه




دمتوا بخير

مشكووووور اخووووري على القصيده الذوووق